ശ്രീയെഴും ഗുരുവായൂർ
ശ്രീയെഴും ഗുരുവായൂർ വാഴുന്ന
ശ്രീപതേ ഭക്ത വത്സലാ
കണ്ണാ കാർമുകിൽ വർണ്ണാ ഗോവിന്ദാ
കാത്തുകൊള്ളേണം ഞങ്ങളേ
കാരുണ്യക്കടലായ നിന്നുടെ
കാരുണ്യ വർഷമേൽക്കാനും
കൺകുളിരെ നിൻ സുന്ദര രൂപം
കാണ്മാനും ഭാഗ്യം നൽകണം
കണ്ണാ കാർമുകിൽ വർണ്ണാ
മോഹന രൂപമെന്നിൽ നിറയണം
കാരുണ്യാമൃത വാരിധിയെന്നും
കാത്തു കൊള്ളണം ഞങ്ങളേ
കീർത്തനീയ ഗുണാംബുധേ നിത്യം
കീർത്തിക്കേണം തിരു നാമം
സഞ്ചിത കർമ്മ പാപങ്ങൾ തീർത്തു
നെഞ്ചകം ശുദ്ധമാക്കണം
നിൻ കഥകൾ നിൻ കീർത്തനങ്ങളും
എന്നും കേൾക്കാനും പാടാനും
നിൻ കൃപാപൂരം നൽകി ഞങ്ങളെ-
യുൾക്കനിവോടെ കാക്കണേ
അറിയാതെ ചെയ്‌തോരപരാധമെല്ലാം
അവിടുന്നു പൊറുത്തരുളേണം
രാധികാപതേ ഗോപാലകൃഷ്ണ
ആധിവ്യാധികൾ തീർക്കണം
കാത്തു കൊള്ളണേ ഞങ്ങളേ നിത്യം
കാൽത്തളിർ പണിയുന്നിതാ
ശ്രീ ഹരേ ഹരേ പാഹിമാം കൃഷ്ണ
പാഹിമാം കൃഷ്ണ പാഹിമാം (2)
പാഹിമാം കൃഷ്ണ കൃഷ്ണ പാഹിമാം (2)
രചന
ശ്രീമതി. പദ്മിനി പ്രഭാകർ, മുടപ്പല്ലൂർ
ആലാപനം
ശ്രീമതി. സാവിത്രി തിരൂർ
Comments are closed.