മാനവസമൂഹത്തിൻ്റെ ആവശ്യം പരമശാന്തിയാണ്. മാനവ സമൂഹത്തിൻ്റെയും സമസ്ത ജീവജാലങ്ങളുടെയും ആദർശ സംഹിതയാണ് ശ്രീമദ് ഭാഗവതം. ഭാഗവതത്തിൻ്റെ മതമനുസരിച്ച് സമസ്ത ജീവജാലങ്ങളിലെയും ആത്മീയ സത്തയെ മനസ്സിലാക്കുക എന്നതാണ്. അതിനാൽ നമ്മുടെ ഋഷീശ്വരന്മാർ ബ്രഹ്മസൂത്രത്തിൽ നിന്നും ഒന്നാം പാദം 2- )o സൂത്രത്തോടെയാണ് ഭാഗവതാരംഭം. ഇന്ന് ലോകം ഭൗതികമായി ( സാമ്പത്തികം, വിദ്യാഭ്യാസം, സുഖസൗകര്യങ്ങൾ ) പുരോഗമിച്ചു എന്നാൽ അതുപോലെ ആത്മീയ ജ്ഞാനത്തിൻ്റെ അഭാവം മൂലം എവിടെയും കലഹം മാത്രം. സ്നേഹത്തിൻ്റെയും സമാധാനത്തിൻ്റെയും ശാന്തിയുടേയും സമൃദ്ധിയോടെ മനുഷ്യനെ നയിക്കുന്നത് ആത്മീയ ജ്ഞാനം ഒന്നു കൊണ്ട് മാത്രമാണ്. അതിന്നുള്ള ഉത്തമ ഗ്രന്ഥമാണ് വേദാന്തസാരമായുള്ള ശ്രീമദ് ഭാഗവതം.
ഇളയിടം ശങ്കരനാരായണൻ നമ്പൂതിരി (മനു കുമാർ ഇളയിടം)