വൈശാഖ പുണ്യം
ഭാഗവത മുറ്റത്ത് ഓടിക്കളിക്കുന്ന
കാർമുകിൽ വർണ്ണാ കരിമാടിക്കുട്ടാ
സഹസ്രനാമം ചൊല്ലി വിളിക്കുന്നു കണ്ണാ
സുപ്രഭാതം കേട്ടു ഉണർന്നാലും
വൈശാഖമാസത്തിലെ പുണ്യദിനങ്ങളിൽ
ഗോപികമാർ ചൊല്ലും കിർത്തനങ്ങൾ നീ കേട്ടുവോ
എണ്ണിയെണ്ണി ഓരോ ദിനങ്ങളിൽ
നാമങ്ങൾ ചൊല്ലി പാടിടുന്നു
ആടുന്നു പാടുന്നു നമ്മുടെ മുറ്റത്ത്
ഓമന കണ്ണനാം കരിമാടിക്കുട്ടൻ
അമൃതേത്ത് പാടുന്നു അമ്മമാരും
കണ്ണനുണ്ണിയെ ഊട്ടുവാനായി
കഥകൾ ചൊല്ലുന്നു പിഞ്ചോമനകൾ
കണ്ണന്റെ കൂടെ കളിക്കുവാനായി
മെല്പത്തൂർ തന്ന നാരായണീയം
ചൊല്ലുന്നു ഭക്തിയോടെ ഭക്തരെല്ലാം
അനുഗ്രഹം ചൊരിയാനായി എത്തുന്നു മഹത്തുകൾ
കണ്ണന്റെ കഥകൾ വർണ്ണിക്കാനും
ഭാഗവത ഗീതം കേട്ടു കൊണ്ടു നാം
ഓരോ ദിനവും അർപ്പിച്ചിടുന്നു
കൃഷ്ണാ മുകിൽ വർണ്ണാ
വൃഷ്ണികുലേശ്വരാ കണ്ണാ
ഭാഗവത കുടുംബത്തിൽ വിളങ്ങിടേണം
– ആശാ സുനിൽ, തിരുവനന്തപുരം
